De Toolbox-Webseide wird midm Static Site Generator Lektor erschdelld un übbor GitLab vorwalded. Damid wurde de vorhersche Wordpress-Webseide abjelösd, die zuvor es Aushängeschild ins Indorned war un ebenso modern un jud jepflegd aussah, wie es halbferdsch diehseinde Wordpress-Inschdalladsjonen, für die sisch keener rischdsch vorandwordlisch jefühld had, eben so sin.
Edwas beidrahchn
Zur jedschen Seide dor Toolbox gann jedor relladiv eenfach was beidrahchn. Ne relladiv dedajierde Schridd-für-Schridd-anleidung dafür is off gitlab.com/ToolboxBodensee/webseite/toolbox-webseite vorfüchbar. Wer bei Git odor Lektor Undorschdüdsung brauch, begommds am besdn in dor Toolbox, etwa donnerschdahchs.nachm Wochnmiehding.
Lektor
Lektor isn Static Site Generator, der dir ville Möchlichgeidn jibt un ooch für unerfahrne Anwender relladiv eenfach zu bedien is. Sher nüdslisch is dor Befehl lektor server, der nen logaln Websörwor schdarded un die Webseide nich nur janz anzeichd sondern es ooch ermöchlichd , se übbrn Webindofäis zu ännorn.
Middlorweile hammor einische Sbiehlorein off dor Seide, di eübbr de Basisfungdsionen von Lektor hiaus jehn.
Lektor ermöchlichd es, jede Seide zu beorbeidn. Es Aussehn dor Seidn endschdehd dursch Jinja2-Tembläids. Hier gann man relladiv umfangreische Schleifn un Bedingungen definiern, die dann von Lektor ausjeführd werd un als Webseide jerenderd wern.
Da de Toolbox ooch vorsuchd, n indornadsjonales Bubligum anzuschbrechn un nich dursch ne Schbrachbarrjiere den Zujang zu vorweischorn, jibt es ooch ne Übborsedsung ins Englische un Säggsche. Das had anfeangs kleene Brohbleme mit sisch jebrachd. So gonnde zum Beischbiehl das Blagg-in, das für den RSS-Feed zuschdändsch war, de Seide nisch mehr zu rendorn. Zum Glügg gann Lektor alle möchlischn Dadein aus Dembläids erschdelln und nich nur HTMl-Seidn. Es Dembläid fürdn RSS-Feed des Blogs siehd zum Beischbiehl so aus: templates/feed_blog.xml.
Es jibt ooch ne Übborsedsung dor Menüelemende, die mehrschbrachich vorhandn sein solln. Das wird übbor de Dadabäggs jelösd.
Wen Lektor Weidor indressierd, der sollde sisch für noch mehr Driggs de Dogumendadsjon von Lektor anschaun, da dord einische nüdslische Elemende zu findn sin.
Bildor im Git
Fürs Sbeichorn von Binärblobs im git nehmor Git - Large File Storage. Wer das noch ich gennd und jerne ooch größere Binärdadein ind git paggn will, der sollde sisch git-lfs wörglisch näher anschaun!
direggd zum JuhTjuhb-Viedscho