Ausjelöst vom Syndeseiser-Dreffn im Januar 2019 hammor beschlossn, in dor Toolbox n Dohn-Schdudscho einzurischdn, in dem mor nach Herdsnslusd musiziern, brohduziern und eichnardsche Glänge fabriziern gönn.
Momendahn noch aus Leihjahbm beschdehnd, schdelld das Dohn-Schduscho einiches an Ägwibbmend bereid, um vorrangsch eleggdrohnische, abor ooch annere Musig offzunehm odor z. B. ooch Dohnoffnahm für Podcasts odor Vidschos etc. anzuferdschn; das Dohn-Schdudscho gann also ooch als Muldimedscha-Schdudscho fungiern. Es jibt nebm einschen Sydeseisorn, Dram Mäschins un MIDI-Siekwenzorn ooch nen Labdob mit vorinschdallierdm Bedriebssysdem Ubuntu Studio, welsches einische Muldimedscha-Anwendung' zur Vorfüchung schdelld; außordem is ne E-Gidarre inglusive Vorschdärcher da; Migrofone und Vidscho-Gamorahs gönn bei Bedarf vom Schdriehming-Ägwibbmend ausjeliehn wern (Anschbrechbardnor Schdriehming: L3D).
Um den Einschdiech zu erleischdorn, jibt es einische Hinweise zur Benudsung im Toolbox-Wiggi, von denen de wischdiggsden ooch in jedruggdor Form offm Schudscho-Disch rumlieschn; außordem jibt's n Vidscho-Dudoriäl, welsches diese anschaulisch erglährd. Wie ooch in jedm annern Bereisch dor Toolbox is es abor ooch jedorzeid möchlisch, nachzufrahchn un sisch de nödschn Schridde erglährn zu lassn. (Anschbrechbardnor Dihn-Schudscho: zeha).
direggd zum JuhTjuhb-Viedscho
